Leita í fréttum mbl.is

Dale Carnegie

Er á skemmtilegu og krefjandi námskeiði hjá Dale Carnegie þessa dagana.  Ég get tekið heilmikið með mér af því sem ég hef lært og nýtt mér í framtíðinni.  Mér finnst tímanum vel varið, vildi bara stundum óska að ég ætti aðeins meira af honum.

Í gærkvöldi eftir námskeiðið fengum við góða vini í mat til okkar og það var svo notalegt.  Eldaði einn af uppáhaldsréttunum mínum 'Flygande Arvidsson', set kannski uppskriftina inn við tækifæri (... þegar ég hef tíma...) og svo gæddum við okkur á afgangs eftirréttum frá hausfagnaðinum.  Þetta þarf ekkert að vera flókið.  Við vinkonurnar settumst svo í prjónahornið, karlanir okkar í kósý sófann og svo möluðum látlaust í nokkra tíma, rifjuðum upp fyndnar minningar og frækin framtíðarplön. 

Upp klukkan 6 í morgun af því að það var heimanám á námskeiðinu (var ekki búið að segja mér það...Shocking).  Nú er bara að koma sér af stað út í smekkfullan dag.  Eins gott að maður sé í ágætis formi.


Helgaruppgjör

Átti alveg hreint frábæran dag á Þjóðfundi á laugardaginn.  Það er erfitt að lýsa uplifuninni og andrúmsloftinu á staðnum og fyndið að heyra þá sem ekki voru þarna vera að skilgreina fundinn og hafa á honum miklar skoðanir.  Ég upplifði samkennd, vinsemd, kjark og kærleika hjá mínu fólki og reyndar öllum sem ég talaði við á staðnum.  Við sem þarna vorum eigum eitthvað alveg spes og það er ekki alltaf auðvelt að útskýra svoleiðis.

Úr einni gleði í aðra.  Ég hafði rétt svo tíma til að snurfusa mig aðeins áður en vaskir ÍR-ingar bönkuðu upp á í tilefni Haustfagnaðar.  Á boðstólnum var fordrykkur, matur frá Austur-Indíafélaginu og svo voru nokkrir úr hópnum sem komu með kaloríu-BOMBUR í desert.  Frábært kvöld í hópi góðra félaga og áður en kvöldið var liðið var búið að skrá mann og annan í Challenge Copenhagen Wink.

Þessi vika ætlar að vera jafn þétt og sú síðasta.  Fórum á hörku sprettæfingu í gær í Höllinni, 3 *2500m og svo þrekhringur á eftir.  Þjálfarinn bætir jafnt og þétt við prógrammið svo það sé nú öruggt að við fáum okkar út úr þessu.  Var nú samt ekki um sel þegar einn missti út úr sér að það vari eitthvað til sem héti 'Súperfroskar' og við fengum að sjá dæmi.  Hmmm....

Í kvöld er það sund og annað kvöld er svo hlaupa námskeið í Heilsuskóla Keilis í Keflavík.  Það voru tæplega áttaíu manns búnir að skrá sig þegar ég heyrði síðast í skipuleggjendum! 

Rock and Roll og ekki mikið prjónað í þessari viku Shocking.


15. nóvember

Það er sérstakur dagur í dag.  Fyrir sex árum síðan, með fiðring í maganum, staðfesti ég fyrir Guði og mönnum að ég væri tilbúin til að skrifa undir lífstíðarsamning.  Það er ekki lítil ákvörðun.  Það eru ekki margar svona stórar ákvarðanir sem maður tekur á lífsleiðinni og ég er ekki í nokkrum vafa um að þetta er besta ákvörðunin sem ég hef tekið í lífinu, ásamt því að eignast börnin mín. 

Þegar ég hugsa um lífsförunaut minn þá hugsa ég um hvað ég er heppin að eiga einhvern að sem er til staðar fyrir mig þegar ég er glöð eða hrygg, hugrökk eða lítil í mér, sterk eða aum, algjör njóli eða ótrúlega gáfuleg, góð og líka þegar ég misstíg mig.  Einhvern sem kippir mér á jörðina þegar ég missi jarðsamband og er ekki hræddur við að segja mér að ég hafi rangt fyrir mér.  Einhvern sem getur látið mig springa úr hlátri, komið mér á óvart, sem ég get þagað með, hlaupið með og leikið mér við.  Betri vin er ekki hægt að eiga og ég gæti ekki hugsað mér betri föður barnanna minna.

Í dag fór ég út að hlaupa og heyrði lag sem ég hef ekki heyrt áður en sagði eiginlega allt sem mig langar til að segja.  Í dag er ég svo glöð að mér er alveg sama þó ég sé væmin og hvað öllum öðrum í heiminum finnst.  Til þín, ástin mín.

You're a falling star
You're the getaway car
You're the line in the sand
When I go to far
You're the swimming pool
On an august day
And you're the perfect thing to say

And you play it coy but it's kinda cute
Oh when you smile at me you know exactly what you do
Baby don't pretend that you don't know it's true
Cause you can see it when I look at you

And in this crazy life
And through these crazy times
It's you
It's you
You make me sing
You're every line
You're every word
You're everything

You're a carousel
You're a wishing well
And you light me up
When you ring my bell
You're a mystery
You're from outer space
You're every minute of my every day

And I can't believe that I'm your man
And I get to kiss you baby just because I can
Whatever comes our way

We'll see it through
And you know that's what our love can do

You're every song
And I sing along
Cause you're my everything


Powerade, Þjóðfundur og Haustfagnaður!

Ég var einhvern veginn búin að sjá fyrir mér rólegheita, kertaljósa, prjóna haust eftir annasamt sumar.  Geri mér grein fyrir að það var kannski ekki alveg í takt við raunveruleikann, mér finnst svo margt skemmtilegt og meðan ég get, þá vil ég taka þátt í lífinu af fullum krafti.

Þessi vika er sérstaklega viðburðarrík.  Fyrir utan þetta venjulega, barnastúss, vinnu, æfingar, og prjón þá er dagskráin pökkuð.  Fórum á 6. bekkjarkvöld og bingó í skólanum hjá Gabríel á þriðjudagskvöld.  Svaka flott hjá krökkunum, vinningar handa öllum og góðar veitingar á eftir.  Í gærkvöldi var undirbúningsfundur fyrir lóðsa á Þjóðfundi 2009, sem fer fram um helgina.   Við hittumst í gamla Ellingsen húsinu, hátt í 100 manns og fórum yfir dagskránna lið fyrir lið.  Hlakka svo mikið til að taka þátt í þessu, þetta verður spennandi.  Í kvöld er það Powerade með öllu tilheyrandi.  Laugardagurinn er svo pakkaður frá morgni til kvölds.  Dagskrá Þjóðfundarins er frá 8:30 til 16:30 og þá er eins gott að taka sprettinn heim því við Þórólfur ætlum að hýsa Haustfagnað ÍR-inga og við fáum til okkar yfir 20 manns í mat og heljarinnar veislu! 

Við hjónin eigum svo 6 ára brúðkaupsafmæli á sunnudaginn, höfum bara ekki pláss fyrir óvissuferð til spennandi stórborgar í þetta sinn og ætlum í staðinn að fara í brunch til pabba og mömmu og gera eitthvað lágstemmt og krúttlegt í tilefni dagsins. 

Læfs gúdd Joyful


Sprettir og þrek

Hörkuæfing í Höllinni í gær.  7 * 1000 m á 5 - 10 km pace.  Þórólfur fann út fyrir mig að ég ætti að hlaupa 100 m á 24 sek. og 400 m á 48 sek. miðað við að halda 4:00 pace.  Gekk alveg ótrúlega vel að hlaupa inni á brautinni, var nánast alla hringina á 47 sek. og fór aldrei yfir 48.  Í síðasta sprettinum ruglaðist ég í talningunni  og var ekki viss um hvort ég væri búin með 4 eða 5 hringi.  Tók einn hring í viðbót til vonar og vara og kom í ljós að ég endaði í 1200 m. 

Eftir sprettina var þrekhringur sem við tókum þrisvar sinnum:

  • 10 froskahopp
  • hlaup
  • 10 armbeygjur
  • 10 bangsahopp
  • hlaup
  • 15 tvíhöfði á bekk
  • 25 magaæfingar

Æfing fyrir allan peninginn sem sagt Grin.

Þriðjudagar eru hálfgerðir þríþrautardagar því þá hjóla ég í og úr vinnu, hleyp í hádeginu og svo er sundæfing í kvöld.  Eins gott að hugsa bara um eitt í einu... 

 


Helgin

Viðburðarrík helgi að baki hjá okkur.  Við tókum þátt í síðasta Víðavangshlaupi Framfara í bili á laugardaginn en það fór fram á túninu við Borgarspítalann.  Hörkubraut með hæðum, háu grasi, möl og skurðum.  Fann mig vel frá upphafi og takmarkið var að reyna að hanga í henni Írisi Önnu eins og ég gæti og sjá hvernig það færi.  Var eins og skugginn á eftir henni fyrstu fjóra hringina og á síðasta hring, eftir skurðahopp var allt sett í botn á endaspretti.  Aníta Hinriks sigraði, Arndís Ýr önnur og ég náði þriðja sætinu, alsæl með það.  Hlakka til að vera með á næsta ári, þetta er sko akkúrat eitthvað fyrir mig.

Fórum í notalegt kaffiboð hjá vinum okkar í eftirmiðdaginn og vorum leyst út með gæsabringum sem bóndinn eldaði svo fyrir okkur í gærkvöldi.  Hann fór alla leið og sló upp veislu með alls konar meðlæti og bauð meira að segja upp á rauðvín með matnum, nammi namm.

Orri bróðir og Lúlla tóku þátt í Þrekmeistaranum og hugurinn var heilmikið hjá þeim.  Þau stóðu sig að sjálfsögðu með prýði og Orri og félagar hans gerðu sér lítið fyrir og settu nýtt Íslandsmet í sínum aldursflokki.  Held að hann sé búin að selja mig í eitthvað lið á næsta ári, til er ég!

Á sunnudaginn fór ég á langa æfingu með ÍR-ingum en Þórólfur fór með Gabríel og Lilju á fótboltamót í Fífunni.  Við vorum fleiri núna en síðasta sunnudag og stelpurnar voru í meirihluta!   Ekki að það hafi haft nokkur sköpuð áhrif á hraðann, en gamla konan á fullt í fangi með að fylgja þessum töffurum eftir á langt undir 5 pace...  Ég hljóp 14 km með hópnum (lengra en síðast) en kvaddi svo og stakk iPodinum í eyrun og lullaði heim, samtals var þetta akkúrat 1/2 maraþon og meðalpace var 5:12.

Það var heilmikill gestagangur hérna hjá okkur á sunnudaginn og svo náðum við að kíkja á hana Siggu Löngu sem er að jafna sig eftir mjaðmarbrot á hjúkrunarheimilinu Eir.  Það er nú ekki vælið á þeim bænum, Sigga var í sjöunda himni með matinn, starfsfólkið, herbergisfélagana og vildi bara helst af öllu fá að vera til frambúðar!

Ég kláraði létt-lopapeysu sem ég var að prjóna fyrir dóttur vinnufélaga Þórólfs.  Fyrsta sinn sem ég geri hettupeysu.  Verst að mig langar mest að til eiga hana sjálf, passar og allt...Tounge.   Er heima með Gabríel núna en hann er aftur orðin veikur, var komin með dúndrandi hausverk í gærkvöldi, var fölur sem nár og búin að missa matarlystina.  Hann er aðeins að koma til sýnist mér, aðeins farin að narta í mat og brosa út í annað.  Hann tók mynd af mér áðan þar sem ég pósaði í peysunni.

hettupeysa
  

 


Klósettpappír og fleira

Gabríel er að taka þátt í fjáröflun fyrir fótboltann, ef einhver hefur áhuga á að styrkja hann þá getið þið sent póst á eva@isb.is með pöntun.

Núna erum við að fara af stað með sölu á klósettpappír, eldhúsrúllum einnig hreinlætispökkum og bílasnjókúst. (sérstaklega hentugum fyrir jeppaeigendur).  Um mjög vandaðar og góðar vörur er að ræða en eitthvað hafa þær hækkað frá því fyrr á árinu.

Nánari lýsingu á vörum má nálgast á meðfylgjandi skjali Auglsing_vegna_WC_slu.doc 

  

 

 
 
      
         
VörurTilboð #VerðHlutur / seljanda    
WC deluxe# 15500 kr1528 kr     
WC 400 blaða# 24500 kr1524 kr     
Eldhúsrúllur# 33700 kr1471 kr     
Hreingerningarpakki# 42000 kr800 kr     
Hreingerningarpakki minni# 51500 kr601 kr     
Kertapakki# 61500 kr601 kr     
Bílasnjókústur# 71600 kr600 kr

Þjóðfundur 2009

Fyrir ekki svo löngu síðan, var komið að máli við mig og ég beðin um að taka þátt (sem starfsmaður)  í Þjóðfundi 2009.  Ég verð að viðurkenna að ég hafði ekkert heyrt um Þjóðfund eða Mauraþúfuna og vissi ekkert hvað viðkomandi var að tala um.  En eftir smá kynningu og lýsingu á mínu hlutverki lét ég slag standa og ákvað að vera með. 

Í gær var ég á undirbúningsfundi og fannst mjög gaman.  Hlakka til að taka þátt í þessu verkefni, þetta verður spennandi og ég á örugglega eftir að læra heilmikið af reynslunni.


Gamlar myndir og bréf

Við mamma tókum okkur til og fundum fram nokkur bréf sem ég skrifaði stóra bróður mínum þegar ég var 6 ára og hann var í námi í Noregi.  Ég skannaði líka inn nokkrar gamlar myndir í leiðinni.

Fjölskyldan

Mamma, Einsi, Baddi, Sverrir, Orri og ég í fanginu á pabba.

Bréf til Einsa 1

Á litla gula miðanum er ég búin að teikna mig með tannkýlið.

Bréf til Einsa 2

Þarna var ég loksins búin að segja frá strákunum sem lögðu mig í einelti þegar ég var 6 ára.

Eva 6 ára

Bekkjarmynd í 6 ára bekk.

Bréf til Einsa 3

Sko það er oftast hægt að leysa málin með því að tala um þau!

Bréf til Einsa 4


Hvað ef...

Lenti í smá atviki að kvöldi til fyrir um tveim, vikum eftir sundæfingu.  Ég stóð í andyri sundlaugarinnar að spjalla við vinnufélaga þegar ég tók eftir unglings pilti hlaupa í áttina að bílaplaninu á fleygiferð.  Nokkru síðar komu fleiri hlaupandi og mér datt helst í hug að þetta væru krakkar í eltingaleik eða eitthvað svoleiðis þangað til ég heyrði stelpu sem kom hlaupandi á eftir garga; 'Ekki gera þetta, hættið þessu!!!'.  Það lék enginn vafi á, að eitthvað mikið var að.

Ég henti frá mér sundtöskunni og hljóp á eftir krökkunum án þess að hugsa.  Ég fann hópinn á bak við sendibíl þar sem einn unglingurinn hélt öðrum föstum með hálstaki upp við bílinn og var að berja hann.  Ég reif í hnakkadrambið á stráknum og henti honum frá og hugaði að hinum stráknum.  Villingurinn varð alveg brjálaður og ætlaði í gömlu konuna, sagði mér að drullast í burtu svo hann gæti barið helvítis negrann.  Hann slæmdi hnefanum í áttina til mín en hefur sennilega ekki áttað sig á því að hann ætti í höggi við kellu sem tekur 50 armbeygjur og 30 upphífingar án þess að blása úr nös...   Ég greip í handlegginn á honum og horfði í augun á honum meðan ég sagði honum ósköp rólega að hér yrði ekki slegist og hann og hans pakk skyldu hypja sig í burtu.  Hann blótaði eitthvað út í loftið og hypjaði sig svo.

Strákurinn sem varð fyrir ofbeldinu, var að sjálfsögðu í mjög miklu uppnámi, skalf og náði varla andanum.  Ég tók hann undir handlegginn á mér og sagði honum að slaka á, ég ætti strák sem væri alveg eins og hann, bara nokkrum árum yngri, hann þyrfti ekkert að óttast, ég sæi til þess.  Ég spurði hvort hann myndi treysta sér til að komast heilu á höldnu heim en svo var ekki.  Ég spjallaði við hann á meðan hann róaðist og svo skutluðum við hjónin honum heim að dyrum.  Á leiðinni sagði hann okkur undan og ofan af sinni sögu og ég reyndi að gefa honum öll góð ráð sem ég gat hugsað mér á leiðinni.

Þó ég hafi hugsað heilmikið um þetta þá ræddum við þetta svo sem ekkert mikið.  Þetta kom aðeins til tals í vinnunni, fleiri vinnufélagar voru á staðnum og fyrstu viðbrögð hjá mörgum voru að spyrja mig, hvað ef?  Hvað ef þeir hefðu verið með hnífa?  Hvað ef allir hefðu ráðist á þig?  Hvað ef...?  

Ég er svo glöð að vera ekki með svona mörg 'hvað ef...' í hausnum á mér.  Eina 'hvað ef-ið' sem skipti máli í þessu tilfelli var, hvað ef þetta væri barnið mitt?

Ég skrifaði einu sinni bloggfærslu um útlendingahatur.  Ég skrifaði hana í kjölfarið á umræðum í þjóðfélaginu og jú, jú, það voru ýmsir meira segja nálægt mér sem fengu mig til að hugsa og kryfja hvað mér fyndist í raun og veru um þessi mál.  Færslan var ekki hugsuð sem árás á einn, né neinn og henni var ekki beint að neinum persónulega.  Það hvarflaði reyndar ekki að mér að nokkur sem ég þekkti sæi sjálfan sig í þessari færslu (þ.e. í hlutverki útlendingahatarans), ekki í raun og veru og það kom mér algjörlega í opna skjöldu, þegar ég komst að því að svo væri.  Færslan átti bara að vekja fólk til umhugsunar um hvaða áhrif útlendingahatur getur haft.

Hvað ef ég hefði aldrei skrifað einhverja bloggfærslu?  Hvað ef ég segði ekki það sem mér fyndist?   Hvað ef ég myndi passa mig á að gera aldrei eitt né neitt nema vera alveg viss um hvaða afleiðingar það hefði?  Hvað ef...

En í allt aðra sálma.  Skelltum okkur í Víðavangshlaup Framfara á laugardaginn og höfðum mikið gaman af.  Rok og rigning á Seltjarnarnesi eyðilagði ekki stemmninguna og ég held að þetta hafi verið fjölmennasta hlaupið hingað til (alla vega í ár).  Við tókum þetta eins og síðast, hlupum styttra sem upphitun og létum svo vaða í lengra hlaupinu.  Fríða Rún sigraði, Arndís Ýr varð önnur og Íris Anna þriðja.  Ég var fjóða, 15 sek. á eftir Írisi og var bara ánægð með daginn og formið.

Í dag fórum við á langa æfingu, lengstu æfinguna mína í heilt ár held ég!  Hittum þjálfarann í Laugum og við þrjú lögðum upp í rólegu æfingu vikunnar (rólegt hvað...).  Gekk þokkalega að hanga í þeim fyrstu 8 km en var svo aðeins farin að síga aftur úr.  Þá var ég á 4:46 pace-i!!!  Hékk í þeim út á Nes, kvaddi þar með kurt og pí og fór sömu leið heim, ekki á sama hraða Wink.  Hlaup dagsins gerði 19,52 km og svei mér þá ef ég fann ekki langhlauparann í mér aftur, þetta var bara gaman.


« Fyrri síða | Næsta síða »

Höfundur

Eva Margrét Einarsdóttir
Eva Margrét Einarsdóttir

Ætlar að hlaupa styttra og hraðar...

Innskráning

Ath. Vinsamlegast kveikið á Javascript til að hefja innskráningu.

Hafðu samband