Kv. Eva

Við höfum verið að taka heilmiklar þrekæfingar líka og ég er með þvílíkar harðsperrur eftir átökin.  Þetta hlýtur að skila sér!

Þórólfur hljóp vel þrátt fyrir að hafa verið drullu lasin (thíhí) með magakveisu daginn áður.  Hann kláraði á rúmum 38 mínútum í þetta sinn.

Úslitin eru hér.

Mér fannst alveg svakalega gaman að blogga hér áður fyrr, deila gleðinni í mínu lífi, skoðunum, sigrum og sorgum.  En mér finnst ekkert gaman að ritskoða sjálfa mig út í hið óendanlega.  Ég ætla að nota blogg tímann minn í annað á næstunni og er búin að finna mér ótrúlega spennandi verkefni í staðinn.  Núna er einmitt rétti tíminn til að söðla um, ekki vegna þess að að allt er ómögulegt, heldur einmitt vegna þess að allt er eins og ég vil hafa það.

Í dag sagði Lilja grafalvarlega við mig; 'Mamma, þegar þú verður amma, þá verð ég mamma.'  Það var einmitt það sem ég þurfti að heyra til að vera fullkomlega sátt við ákvörðunina.  Tíminn líður nefnilega alveg ótrúlega hratt og það er eins gott að nota og njóta hverrar einustu mínútu strax í dag.  Ekki einhvern tímann seinna þegar litla krílið sem hjúfrar sig að manni, er orðin mamma .

Gabríel tók þessa mynd af mér í dag, í nýju peysunni minni, sem ég var að klára að prjóna!

Amen.

Er búin að vera á mjög skemmtilegu og fróðlegu námskeiði síðustu tvo daga sem skilar mér út í lífið sem vottuðum Scrum Master, sem þýðir að ég fæ pottþétt hlutverk í næstu Star Wars mynd .  Scrum Master er heiti á hlutverki í ákveðinni aðferðafræði sem notuð er til að vinna hugbúnaðar verkefni og fyrir ekki svo löngu tók ég það hlutverk að mér í mínu teymi í vinnunni.  Planið var að taka vottunarprófið sem hluta af námskeiðinu en eitthvað klikkaði hjá þeim þannig að við tökum það bara á næstu dögum.  

Námskeiðið var haldið á Nordica og hluti af prógramminu var hádegismatur á Vox en nú eru þeir að bjóða uppá jólahlaðborðið sitt.  Ég tók góðan snúning á því á mánudaginn en hélt mig við sushi og ávexti í gær svo þetta myndi ekki enda með ósköpum.  Í dag er svo ráðstefna á Nordica og þriðji í jólahlaðborði .

Hörku sundæfing í gær, fór upp í 2500 metrana og synti meðal annars 5* 100m skrið/10 sek hvíld á milli og kláraði alla sprettina á 1:50 - 1:53.  Fyrir þetta námskeið átti ég best 1:51 í 100 m.  Jólaföndur í leikskólanum hjá Lilju í eftirmiðdaginn og svo er sprettæfing í Höllinni.  Jeehaww....

Sá þessa frétt á ÍR-síðunni í morgun. Gott mál.

Við vorum voða spennt að fara í leikhúsið.  Gabríel var boðið í afmæli á sama tíma og ákvað að láta það ganga fyrir svo við buðum Mirru frænku með, en hún er fimm ára.  Stelpurnar voru að springa úr spenningi að sjá jólaleikrit.  Jaháhhh, það var nefnilega það.  Við erum ennþá aum í ras.... eftir þessa aftanítöku!  Tíuþúsundkall fyrir að sjá Ladda í sínum eigin fötum standa fyrir framan hvítt lak með tvo pappakassa á sviðinu og þylja upp texta...  Stelpurnar (og við) vorum alltaf að bíða eftir að sýningin myndi byrja, þangað til að við áttuðum okkur á því (ásamt hinum í salnum) að þetta var allt og sumt!  Ég hef ALDREI áður farið út af sýningu í miðjum klíðum áður en í þetta sinn var ég þeirri stundu fegnust að komast út með börnin og við breyttum leikhúsferðinni í snarhasti í ísbíltúr.  Mirra greyið sagði 'veistu það Eva, þeir hafa örugglega fært jólsýninguna, þetta var bara gamall kall að tala...'.  N.b. þessi sýning er auglýst sem metnaðarfull uppfærsla... fyrir alla aldurshópa...   VARÚÐ!  Mesta prump sem ég hef upplifað og aldrei séð eins mikið eftir aurnum.

Í dag fórum við í almennilega jólastemmningu í bæinn og horfðum á þegar kveikt var á Óslóartrénu.  Lilja var alsæl með jólasveinana og allt fólkið.  Kostaði ekkert .

Ég bjó til lítinn snjókarl fyrir Lilju meðan við biðum eftir jólasveinunum.

Búið að kveikja á jólatrénu.

Jólasveinarnir rosa fyndnir.

Í kvöld er dömukvöld hjá hjólreiðaversluninni Erninum.  Forsvarsmenn þess höfðu samband við mig fyrir nokkrum vikum og báðu mig um að taka þátt í þessu með þeim, sem var ekkert nema sjálfsagt.  Hlakka til!

Prjónafréttir: Hálfnuð með kragann!

Við mæðginin fórum í verslunarferð eftir æfingu, guttan bráðvantaði nýjar legghlífar í boltann og svo er bara gaman að dingla saman.  Eftir blund hjá Lilju rölti ég með hana í Húsdýragarðinn.  Á leiðinni stálumst við til þess að gefa öndunum pínu brauð.  Gæsirnar voru svo aðgangsharðar við litlu prinsessuna að ég þurfti að forða henni uppá brúarhandriðið.  Þar sat mín alsæl og henti molunum í endurnar.  Í Húsdýragarðinum skoðuðum við selina, vísindaverið, nýfæddan kálf og svo fengum við að sjá þegar beljurnar voru mjólkaðar.  Annars var Lilja mest spennt fyrir því að láta mig bíða einhvers staðar (ALVEG KJURR MAMMA), hlaupa lengst í burtu og kalla svo 1,2 og 3 og þá mátti ég hlaupa á eftir henni.  Skríkti og hló.

Rólegheitakvöld og ég náði að prjóna slatta, komin upp fyrir ermar, nú er ég orðin spennt að klára!

Það er líka svo gott að komast út og taka vel á því þegar maður er búin að vera á tveggja daga 'hard core' Dale Carnegie námskeiði sem krefst þess að maður fari stöðugt LANGT út fyrir sitt 'comfort zone', díhhhh...  Kom heim eins og barinn rakki!

En alla vega, hittum ÍR-inga við Seltjarnarneslaugina í morgun og eftir góða upphitun tókum við 3 * 1700 m hring sem innihélt 3 mislanga spretti, endaði á brekkuspretti upp Bakkavörina.  Eftir það var farið beint í 6 * brekkuspretti upp Bakkavörina.  Hrikalega góð æfing og ég fann mig mjög vel, var ekkert langt á eftir strákunum.  Samtals ca. 16 km.

Eftir æfingu fórum við í brunch hjá henni Sibbu.  Tengdapabbi skutlaði krökkunum til okkar í herlegheitin og við gæddum okkur m.a. á nýbökuðu döðlubrauði og ávaxtasalati, nammi namm.  Fékk uppskriftina af brauðinu og ætla að baka á morgun. 

Restin af deginum fór í að gefa góðum gestum kaffi og prjóna svolítið, er orðin spennt að klára nýjustu peysuna mína.  Farin að prjóna og hvíla mig fyrir 25+ í fyrramálið, yeeehawwww...

Í gærkvöldi eftir námskeiðið fengum við góða vini í mat til okkar og það var svo notalegt.  Eldaði einn af uppáhaldsréttunum mínum 'Flygande Arvidsson', set kannski uppskriftina inn við tækifæri (... þegar ég hef tíma...) og svo gæddum við okkur á afgangs eftirréttum frá hausfagnaðinum.  Þetta þarf ekkert að vera flókið.  Við vinkonurnar settumst svo í prjónahornið, karlanir okkar í kósý sófann og svo möluðum látlaust í nokkra tíma, rifjuðum upp fyndnar minningar og frækin framtíðarplön. 

Upp klukkan 6 í morgun af því að það var heimanám á námskeiðinu (var ekki búið að segja mér það...).  Nú er bara að koma sér af stað út í smekkfullan dag.  Eins gott að maður sé í ágætis formi.

Úr einni gleði í aðra.  Ég hafði rétt svo tíma til að snurfusa mig aðeins áður en vaskir ÍR-ingar bönkuðu upp á í tilefni Haustfagnaðar.  Á boðstólnum var fordrykkur, matur frá Austur-Indíafélaginu og svo voru nokkrir úr hópnum sem komu með kaloríu-BOMBUR í desert.  Frábært kvöld í hópi góðra félaga og áður en kvöldið var liðið var búið að skrá mann og annan í Challenge Copenhagen .

Þessi vika ætlar að vera jafn þétt og sú síðasta.  Fórum á hörku sprettæfingu í gær í Höllinni, 3 *2500m og svo þrekhringur á eftir.  Þjálfarinn bætir jafnt og þétt við prógrammið svo það sé nú öruggt að við fáum okkar út úr þessu.  Var nú samt ekki um sel þegar einn missti út úr sér að það vari eitthvað til sem héti 'Súperfroskar' og við fengum að sjá dæmi.  Hmmm....

Í kvöld er það sund og annað kvöld er svo hlaupa námskeið í Heilsuskóla Keilis í Keflavík.  Það voru tæplega áttaíu manns búnir að skrá sig þegar ég heyrði síðast í skipuleggjendum! 

Rock and Roll og ekki mikið prjónað í þessari viku .

Þegar ég hugsa um lífsförunaut minn þá hugsa ég um hvað ég er heppin að eiga einhvern að sem er til staðar fyrir mig þegar ég er glöð eða hrygg, hugrökk eða lítil í mér, sterk eða aum, algjör njóli eða ótrúlega gáfuleg, góð og líka þegar ég misstíg mig.  Einhvern sem kippir mér á jörðina þegar ég missi jarðsamband og er ekki hræddur við að segja mér að ég hafi rangt fyrir mér.  Einhvern sem getur látið mig springa úr hlátri, komið mér á óvart, sem ég get þagað með, hlaupið með og leikið mér við.  Betri vin er ekki hægt að eiga og ég gæti ekki hugsað mér betri föður barnanna minna.

Í dag fór ég út að hlaupa og heyrði lag sem ég hef ekki heyrt áður en sagði eiginlega allt sem mig langar til að segja.  Í dag er ég svo glöð að mér er alveg sama þó ég sé væmin og hvað öllum öðrum í heiminum finnst.  Til þín, ástin mín.

You're a falling star
You're the getaway car
You're the line in the sand
When I go to far
You're the swimming pool
On an august day
And you're the perfect thing to say

And you play it coy but it's kinda cute
Oh when you smile at me you know exactly what you do
Baby don't pretend that you don't know it's true
Cause you can see it when I look at you

And in this crazy life
And through these crazy times
It's you
It's you
You make me sing
You're every line
You're every word
You're everything

You're a carousel
You're a wishing well
And you light me up
When you ring my bell
You're a mystery
You're from outer space
You're every minute of my every day

And I can't believe that I'm your man
And I get to kiss you baby just because I can
Whatever comes our way

We'll see it through
And you know that's what our love can do

You're every song
And I sing along
Cause you're my everything

Þessi vika er sérstaklega viðburðarrík.  Fyrir utan þetta venjulega, barnastúss, vinnu, æfingar, og prjón þá er dagskráin pökkuð.  Fórum á 6. bekkjarkvöld og bingó í skólanum hjá Gabríel á þriðjudagskvöld.  Svaka flott hjá krökkunum, vinningar handa öllum og góðar veitingar á eftir.  Í gærkvöldi var undirbúningsfundur fyrir lóðsa á Þjóðfundi 2009, sem fer fram um helgina.   Við hittumst í gamla Ellingsen húsinu, hátt í 100 manns og fórum yfir dagskránna lið fyrir lið.  Hlakka svo mikið til að taka þátt í þessu, þetta verður spennandi.  Í kvöld er það Powerade með öllu tilheyrandi.  Laugardagurinn er svo pakkaður frá morgni til kvölds.  Dagskrá Þjóðfundarins er frá 8:30 til 16:30 og þá er eins gott að taka sprettinn heim því við Þórólfur ætlum að hýsa Haustfagnað ÍR-inga og við fáum til okkar yfir 20 manns í mat og heljarinnar veislu! 

Við hjónin eigum svo 6 ára brúðkaupsafmæli á sunnudaginn, höfum bara ekki pláss fyrir óvissuferð til spennandi stórborgar í þetta sinn og ætlum í staðinn að fara í brunch til pabba og mömmu og gera eitthvað lágstemmt og krúttlegt í tilefni dagsins. 

Læfs gúdd

Eftir sprettina var þrekhringur sem við tókum þrisvar sinnum:

• 10 froskahopp
• hlaup
• 10 armbeygjur
• 10 bangsahopp
• hlaup
• 15 tvíhöfði á bekk
• 25 magaæfingar

Æfing fyrir allan peninginn sem sagt .

Þriðjudagar eru hálfgerðir þríþrautardagar því þá hjóla ég í og úr vinnu, hleyp í hádeginu og svo er sundæfing í kvöld.  Eins gott að hugsa bara um eitt í einu...