Tempó

Heilsufarsmælining í vinnunni í dag, öllum starfsmönnum Glitnis er árlega boðið í ástandsskoðun, smellið á myndina til að sjá nánar. 

 

Er í fínu formi og eftirstöðvar misþyrminga á líkamanum hérna á árum áður í formi ofáts og reykinga eru engar.  Fékk reyndar smá mínus í fituhlutfalli en það vissi ég svo sem og hef engan áhuga á að vera fituminni.

Við höfðum ekki stórar áhyggjur af 40 mínútna tempó æfingu.  Iss piss þegar maður er búin að hlaupa fullt af löngum æfingum.  Vanmat!  Hörkuerfið æfing á bretti í Laugum eftir vinnu í gær.  Æfingin er þannig byggð upp að maður byrjar rólega og smá vinnur sig upp í 10 km pace (15) og slakar svo á síðustu 5 mín.

Ég hljóp mína æfingu svona: 4 mín á 11, 4 mín á 12, 4 mín á 13, 4 mín á 14, 12 mín á 15, 2 mín á 13,5, 5 mín á 12 og 5 mín á 11. 

Vorum eins og barðir rakkar eftir þetta, rétt höfðum orku í að fá okkur snarl, koma börnunum í bólið og ég var farin að dotta yfir sjónvarpinu fyrir tíu...

Athugasemdir

[Sóla (IP-tala skráð) 5.3.2008 kl. 23:08]

Kann nú ekki alveg að lesa úr þessum heilsufarsmælingum, nema auðvitað BMI stuðulinn (iss, engar áhyggjur...hlauparar í fremstu röð EIGA að vera léttir). Svo hef ég lært svo mikið að undanförnu að ég veit að þessi æfing á brettinu var pottþétt drulluerfið!!