Vann og bætti mig!

Algjörlega minn dagur í dag.  Vaknaði spræk með dóttur minn kl. 5:50 .  Ekkert hægt að væla yfir því, stundum er þetta bara svona, fórum snemma í bólið í gær sem betur fer. 

Prógrammið sagði 32 km í dag svo við byrjuðum á að hlaupa 2 km upphitun til að byrja að safna upp í magn dagsins.  Þrátt fyrir kuldann þá leið mér þrusu vel og þá var bara að láta vaða og sjá hvernig þetta færi.  Alla leiðina út eftir var ég hálfpartinn á bremsunni því allt of margir km voru nálægt 4:00 en ég hafði hugsað mér að vera nær 4:15.  Hljóp þetta ótrúlega létt og í rauninni var það bara rokið sem var aðeins að tefja mig síðustu 4 km, lungu og lappir stóðu sig með sóma.  Ég gaf vel í síðasta km þegar ég sá fram á bætingu og hljóp hann á 4:06, nóg eftir.  Þórólfur hljóp á 1:27:03, alveg samkvæmt sínu plani.  Eftir stutt stopp og aðeins hlýrri fatnað, lögðum við hjónin aftur í hann á móti þeim sem ennþá voru að,  til þess að klára skammtinn okkar.  Náðum að kreysta úr okkur ca. 8 km í viðbót en þá vorum við líka alveg búin að fá nóg.

Var fyrst kvenna og bætti mig um tæpar tvær mínútur, lokatími 1:31:05.  Við hjónin fengum svo sinn úrdráttarvinninginn hvort, 8000,- úttekt í Sportlandi og kassa af orkugeli. 

Glennurnar fóru hamförum í dag, 4 bættu sig og ég held að Sóla eigi skilið hrós dagsins fyrir 11 mínútna bætingu og annað sætið, stelpuskottið farið að narta í hælana á mér, glæsilegt!  Fleiri félagar voru með bætingar þrátt fyrir rokrassgatið og það þýðir bara eitt, fólk er greinilega í þrusuformi eftir veturinn.  Ég held að það sé ráð fyrir okkur hlauparana að hætta að væla yfir veðrinu, það bara herðir mann!

Var að fá senda mynd frá honum Oddi vini mínum úr vinnunni. 

Athugasemdir

[Bibba (IP-tala skráð) 29.3.2008 kl. 20:59]

Til hamingju.   Frábær árangur !!!

[Agga, 29.3.2008 kl. 21:57]

Til hamingju aftur, glæsó! Já, það líklega bara herðir mann þetta andsk ... rok :)

[hafdís (IP-tala skráð) 30.3.2008 kl. 08:54]

Frábært hjá þér til hamingju,og svo áfram svona þá verður gaman að sjá tímann 18 maí...

[Rakel (IP-tala skráð) 30.3.2008 kl. 10:43]

Frábært, til hamingju! Þú uppskerð eins og þú sáir

[Sóla (IP-tala skráð) 30.3.2008 kl. 12:04]

Innilega til hamingju Eva! Þetta var mikill Glennudagur, hvort sem var í bætingu eða drætti, þ.e. útdrætti! Við Secret-eruðum þetta algjörlega!

[Ásta (IP-tala skráð) 30.3.2008 kl. 13:57]

Glæsilegt, til hamingju bæði.

[Bogga (IP-tala skráð) 30.3.2008 kl. 14:42]

Til hamingju með glæsilegan árangur.

[Guðrún Lauga Ólafsdóttir, 30.3.2008 kl. 15:37]

Til hamingju bæði tvö !

[Eva Margrét Einarsdóttir, 31.3.2008 kl. 09:06]

Takk fyrir .

[Helen Garðarsdóttir, 1.4.2008 kl. 23:40]

vá! til hamingju bæði tvö!