Einleikur og Hugleikur

Settist niður í gærkvöldi og skrifaði einleik, verkefni fyrir Skapandi skrif. 

Við fórum í mat til pabba og mömmu í gær og ég var að segja frá því að ég þyrfti nú að kaupa mér almennilega bók til að skrifa í.  Mamma spratt allt í einu upp og inn í herbergi til sín, kom svo aftur með forláta bók, gerða úr endurunnum pappír, með þurrkuðum blómum utan á og auðum síðum.  Akkúrat svona bók eins og ég var að hugsa um, bara miklu flottari.  'Þú mátt eiga þessa bók, hún hefur örugglega verið að bíða eftir þér...'. 

Mamma fékk bókina í sextugsafmælisgjöf (fyrir 12 árum) frá þremur vinkonum sínum og henni fylgdi alveg sérstaklega fallegt kort.  Inní kortinu voru nokkrir fjögurra blaða smárar sem mamma hafði fundið á leiðinni í vinnuna fyrir einhverjum árum síðan og þurrkað.  Ein af vinkonunum er systir hans Þorvalds Þorsteinssonar, sem er kennarinn minn á námskeiðinu.  Skemmtilegt.

Gabríel var að taka saman bækur til að skila á bókasafnið og þar á meðal var bók eftir Hugleik Dagsson, Elskið okkur.  Ég rak upp stór augu.  Gabríel hafði tekið hana fyrir barnateiknimyndasögu og var í sjokki yfir innihaldinu, 'Mamma, ég veit...' og þvílíkur hneykslunarsvipur á barninu, hann átti ekki orð.  Ég renndi yfir hana í gær, vá...

Frábær tónlistarsíða HÉRNA

Athugasemdir

[Eva Margrét Einarsdóttir, 6.6.2008 kl. 09:01]

Eins gott að ég fái einhvern til að ritskoða mig þegar ég fer að gefa út ósköpuðu meistaraverkin mín.   Maðurinn heitir að sjálfsögðu Þorvaldur Þorsteinsson en ekki öfugt...

[Ýrr (IP-tala skráð) 6.6.2008 kl. 09:51]

þú hefur SECRETAÐ til þín bókina!! ;)