Heim, ljúft að koma heim...

Ferðalagið gekk eins og í sögu og í þetta sinn gafst hún Lilja upp eftir snarlið og við mæðgur sváfum eins og klessur alla leið heim.  Vélin var næstum því full og alveg mökkur af litlum krökkum með í för og ekki hægt að fá aukasæti svona fyrirfram.  Var svo heppin að stelpurnar sem sátu í röðinni fyrir aftan mig fóru eitthvað að hrókera til að geta setið með vinkonum sínum og allt í einu var eina lausa sætið í vélinni við hliðina á mér (setja upp hissa svipinn takk), þvílíkur lúxus!

Áður en við lögðum í hann heim fórum við í bæjarferð til Oslo með ömmu og afa að skoða nýja Óperuhúsið og svo fengum við okkur bita á Aker brygge og nutum veðurblíðunnar.  Þetta var alveg frábært frí hjá okkur og eina sem vantaði var að hafa strákana okkar með, erum strax farin að plana almennilega ferð næsta sumar.

Hvíld, góðar æfingar, quality time með dóttur minni og hellingur að jarðaberjum gerðu kroppnum gott og ég kom léttari og nettari heim.  Jeeeehawww... 

Lilja að busla í gosbrunninum í Asker sentrum.

Með Helena frænku í Hövik.

 

Athugasemdir

[Ásta (IP-tala skráð) 2.7.2008 kl. 13:43]

Velkomnar heim og til hamingju með Onkel Olav.  Ég sá flottu strákana þína í Eyjum, hinn gífurlega ábyrgðarfulla fararstjóra og flottasta strákinn í Þrótti.  Sá samt engan leik með þeim, voru aldrei á sama tíma eða sama stað og við að keppa. 

[Eva Margrét Einarsdóttir, 2.7.2008 kl. 14:25]

Já takk fyrir það og þú líka Sóla sæta.  Já, fararstjórinn var nú frekar búin á því þegar heim var komið en rosalega ánægður.  Guttinn var líka þvílíkt ánægður með þetta allt saman og er núna komin í sveitina til Sverris frænda, lífið fullt af ævintýrum!  

Nú er mikið Glennusakn í gangi!  Er eitthvað hægt að gera í því? 

[Sóla (IP-tala skráð) 2.7.2008 kl. 21:51]

Nauts, ekki fyrr en ég kem heim aftur. Ég er reyndar búin að gleyma því hvenær bíóferðin var plönuð... Annars er alltaf sniðugt hjá Glennum að skella sér í dagsferð í Flatey og fá kaffi og með því hjá Jólrúnu. Velkomin heim!

[Eva Margrét Einarsdóttir, 3.7.2008 kl. 09:41]

Hmmm það er nú alveg spurning Sóla, hvað er maður lengi á leiðinni?