Ja, vi rike...

Stórfurðuleg upplifun að vera í miðjum ólgusjónum eða þannig.  Það fer ansi mikill tími í fundi á ganginum og almennt spjall um atburði liðinna daga og spár um framhaldið.

Ég persónulega hlaut engan skaða til að tala um, hafði fengið örfáa hluti í Glitni í bónus og í staðinn fyrir að eiga fyrir leikhúsferð og út að borða, þá á ég fyrir bíóferð og poppi, losi ég mig við bréfin núna.  Alltaf gaman í bíó og svo eigum við ennþá leikhúsmiða sem við fengum í jólagjöf .

En það er óneitanlega erfitt að horfa uppá samstarfsfólk sem er búið að vinna allan sinn starfsaldur í bankanum, hefur aldrei verið nálægt því að vera á ofurlaunum, eiga stutt í eftirlaun og varasjóðurinn sem það hélt það ætti er horfinn út í buskann. 

Hugsa til hennar ömmu minnar, mor-mor, sem samkvæmt skilgreiningum nútímans hefði verið flokkuð langt undir fátæktarmörkum.  Hún var trúboði í Afríku, missti tvö ung börn þar, missti manninn sinn þegar mamma mín var 9 ára, var ein með 4 börn og einhverjar smotterís lífeyrisgreiðslur o.s.frv.   Ég veit ekki hversu oft ég heyrði hana segja, skælbrosandi: 'Ja, vi rike har det godt!'.

 

Mor-mor eins og ég man eftir henni.  Mamma fremst í flokki á Madagaskar með systkinum sínum, Björn, Evu og Knut.  Dúkkurnar fremst standa í staðinn fyrir litlu systurnar tvær sem þau misstu, Liv og Ingrid.

p.s. Vísan frá henni Guðrúnu Hörpu vinkonu minni, sem fór eitthvað illa í athugasemdakerfinu.

• Åtte øyne i hverandre
• fire munner rundt et bord.
• Fire vegger kring en lykke:
• Vesla, Påsan, far og mor.
• Åtte hender hektet sammen
• til en ring om stort og smått.
• Herregud – om hele videverden
• hadde det så godt

Athugasemdir

[Jóhanna (IP-tala skráð) 1.10.2008 kl. 15:54]

Vá! Falleg hugmynd með dúkkurnar. Líka mjög falleg kona.

[Guðrún Harpa (IP-tala skráð) 1.10.2008 kl. 17:46]

Ætlaði alltaf að vera búin að senda þér þetta dásamlega ljóð - passar svo vel við mína fjölskyldu og þína, svona skemmtilegar vísitölufjölskyldur, og á einstaklega vel við þessa færslu. Er svo sannarlega í anda mormor:

Åtte øyne i hverandre

fire munner rundt et bord.Fire vegger kring en lykke:Vesla, Påsan, far og mor. Åtte hender hektet sammentil en ring om stort og smått.Herregud – om hele videverden hadde det så godt.(Einar Skjæraasen)

Stor klem til alle dere!

[GH (IP-tala skráð) 1.10.2008 kl. 17:48]

Og mikið óskaplega kom þetta nú illa út svona í athugasemdakerfinu...

[Sóla (IP-tala skráð) 1.10.2008 kl. 21:47]

Mögnuð mynd af systkinahópnum!