19.960 kr. á tímann

Ef einhvern tíma hefur verið ástæða fyrir bankamann að taka þátt í Geðhlaupinu þá var það núna.  Ótrúlega fallegur dagur og við hjónin bara í besta skapinu okkar.  Félagarnir voru mættir, engin kreppa í hlaupunum, bara eintóm gleði.

Sigurvegari Geðhlaupsins 2008 er enginn annar en minn ástkæri eiginmaður, sem mætti ákveðinn til leiks og setti persónulegt met, hljóp á 38:12!  Ótrúlega stolt af mínum manni sem brosir hringinn hérna við hliðina á mér.  Í verðlaun fékk hann forláta bók, Jörðin í öllu sínu veldi, sem er í öllu sínu veldi töluvert stærri en prinsessan (sú yngri...) á heimilinu.

Gamla konan var líka nokkuð seig og dró björg í bú.  Hljóp á 42:17 og var önnur á eftir henni Veroniku.  Ég fékk Stóru myndaorðabókina í verðlaun en þar sem ég fékk hana í fyrra líka (þá var ég fyrst sko...) þá fór ég og skipti henni í Kringlunni í dag.  Nú á ég inneignarnótu upp á 14.760 krónur sem er náttúrulega algjör snilld, svona þegar líða fer að jólum. 

Mér reiknast til að ég hafi þar með verið með rétt tæpar tuttugu þúsund krónur á tímann þegar ég er búin að draga keppnisgjöldin frá.  Við fengum líka sinn blómavöndin hvort (bónusgreiðsla) svo hér ilmar allt eins og í aldingarðinum í denn.  Lífið er gott!

 

Athugasemdir

[Árni Gunnarsson, 11.10.2008 kl. 21:39]

Glæsiegt! Ekki slæmt á krepputímum.

[Fjóla Þorleifsd (IP-tala skráð) 11.10.2008 kl. 22:43]

Til hamingju bæði

[Oddur K (IP-tala skráð) 11.10.2008 kl. 23:35]

Til lukku bæði. Ég ætlaði að koma á hjóli að  fylgjast með en þurfti að fara í vinnuna, þú manst að við ætlum að vinna hjá nýjum banka á mánudaginn. Er það ekki annars? Kv. Oddur K.

[Jóhanna (IP-tala skráð) 12.10.2008 kl. 10:06]

ég

[Jóhanna (IP-tala skráð) 12.10.2008 kl. 10:12]

Ég mætti Þórólfi hjá Valsheimilinu og þá var hann þriðji og Óskar var langfremstur. Þórólfur hefur greinilega náð þeim báðum. Frábært að bæta sig persónu. í þokkabót. Þið voruð eins og dregin út sem hamingjuhjón með öll blómin og glæsibækur.

[Sigrún (IP-tala skráð) 12.10.2008 kl. 14:12]

Vííí....til hamingju bæði tvö :-) Ekki slæmt að eiga svona fína inneignarnótu á þessum tímum!!

[Guðrún Lauga (IP-tala skráð) 12.10.2008 kl. 17:17]

Til hamingju bæði tvö.

[Sóla (IP-tala skráð) 12.10.2008 kl. 22:22]

Mikið rosalega eruð þið dugleg bæði tvö! Og þvílíkur tími hjá Þórólfi!! Frábært og til hamingju!!!

[Eva Margrét Einarsdóttir, 13.10.2008 kl. 10:20]

Takk, takk :)   Er annars akkúrat núna stödd í súrrealískum vinnudegi sem gengur fyrir sig í víddinni milli gamla og nýja Glitnis....