Mæðgnastund

Það er starfsdagur á leikskólanum hennar Lilju og ég er svo heppin að geta tekið mér frí til að vera með henni í dag.  Við erum búnar að útrétta og borða hamborgara í vinnunni hjá mér. Nú erum við að fara heim að leggja okkur áður en við höldum áfram að hafa það kósý .

Það veitir nú reyndar ekkert af því að gamla konan fái frídag í dag.  Elskulegur eiginmaður minn fór fram úr sjálfum sér í leitinn að hrikalegustu hlaupaæfingunni og dró kelluna, frekar þreytta á æfingu í gær.

Þetta hljómar ekkert svakalega:  3 mín bekkusprettir á 10 km keppnishraða í halla 4,0.   3-4 mín hvíld á milli.  Við vorum ekki viss um hvort við ættum bara að lækka hraðann eða líka hallann í hvíldinni, þannig að til vonar og vara hélt ég hallanum.  Ekki séns að ég gæti þetta, tók þrjá mínútu langa spretti og 3 mín 'hvíld' á 10, ennþá með hallann á 4,0.  Fjórða sprettinn hélt ég út í eina og hálfa mínútu... 

Athugasemdir

[hafdís (IP-tala skráð) 20.2.2009 kl. 13:33]

Gott að sjá að svona ofur hlaupakona eins og þú getur heldur ekki allt, ég er algjörlega að drepast yfir mínum sprettum en reyni mitt besta.

[Sóla (IP-tala skráð) 21.2.2009 kl. 15:43]

Við Sigrún erum einmitt í kósý fíling hérna heima að borða vínber og horfa á Incredibles. Stundum er bara ágætt að vera einn með yngsta krílinu :-)