Töff

Eða þannig...  Fór í ræktina í morgun og svo beint í nudd hjá honum Guðbrandi.  Eins og venjulega skottast ég á klóið áður en tíminn byrjar.  Setti símann minn á vaskinn og þegar ég er að fara að ná mér í handþurrkur, rekst ég í símann, reyni að grípa hann í loftinu, tekst ekki og blúbbbsss....  Beint ofan í klósettið!

Þetta er flottur Blackberry sími sem ég var ekki alveg til í að sturta niður (þó þetta sé vinnusími) og þá var ekkert annað að gera en bretta upp ermar .

Eftir rækilegan hand/handleggs og símaþvott, þurrkun með hárþurrku og tveggja tíma dvöl á ofninum virðist hann samt vera búin að syngja sitt síðasta þrátt fyrir þetta frækilega björgunarafrek...  

Hugga mig við það að mér hefur tekist að skemmta ansi mörgum í vinnunni í dag; "Eva..., Eva..., segðu þeim hvað gerðist við símann þinn, hahahhahaha...."

Athugasemdir

[Auður (IP-tala skráð) 31.3.2009 kl. 13:56]

Settu hann á ofninn og láttu alveg í friði í 2 daga, þá fer hann aftur í gang !

[Hafdís (IP-tala skráð) 31.3.2009 kl. 15:18]

Já það er málið að láta þá vera nógu lengi á ofninum það á líka við Ipotin...Ég er búin að þvo hann í þvottavél, en hann fór í lag eftir góða þurkun 

[Ásta Sigurjónsdóttir (IP-tala skráð) 31.3.2009 kl. 16:14]

Eva, ég lenti í þessu um áramótin, nema minn Blackberry fór ofan í skúringarfötu.  En það dugðu 7 tímar á ofninum , sundurtekinn og hann er eins og hann hafi aldrei lent í vatni. 

[Sóla (IP-tala skráð) 31.3.2009 kl. 22:16]

Ég held að flestir hafi lent í því að missa símann sinn ofan í klósettið. Sigrún Björk dóttir mín fór heldur illa út úr því vegna þess að hún var akkúrat að sturta honum niður þegar hann fór. En það var nú bara dótasími :-). Leyfðu kvekendinu að þorna í nokkra daga...

[Eva Margrét Einarsdóttir, 1.4.2009 kl. 11:08]

Update:  Takk fyrir góð ráð, eftir nótt á ofninum er síminn minn betri en nýr og ilmar eins og sápa .