Hvalfjarðarkeppni HMS 2009

Fyrsta hjólreiðakeppnin mín á racer og örugglega ekki sú síðasta.  Brunaði að heiman og upp í Hvalfjörð snemma í morgun en keppnin hófst rétt við Félagheimilið Dreng k. 10.  Var að sjálfsögðu með fiðrildi í maganum, vissi ekkert hvað ég var að fara út í...

Ég græjaði mig til og hjólaði svo smá spotta bara svona til að tékka hvort Scotti væri ekki örugglega að rokka.  Ég notaði líka tímann fyrir keppni til að ná mér í góð ráð frá mér reyndari hjólurum.  Lykilatriði í svona keppni er að hanga í hóp, þ.e. að skiptast á að brjóta vindinn.  Ég plásseraði mig fyrir aftan Láru og ætlaði aldeilis ekki að sleppa henni frá mér.  Sæææællll....  Var skilin eftir í fyrstu brekku en eftir 4-5 km var ég orðin heit og fín og fór að draga á aftur.  Brautin er ekki auðveld, upp og niður brekkur alla leiðina.  Missti aldrei augun af Láru sem náði að hanga í síðasta karli fram að snúning og endaði í öðru sæti, tveim mínútum á eftir henni.  Næstu konur komu 12 og 15 mínútum á eftir okkur. 

Það sem ég lærði í þessari keppni og ætla að bæta úr næst, í fyrsta lagi að hita almennilega upp, í öðru lagi þá má ég hækka sætið aðeins í keppni og í þriðja lagi þarf ég að æfa mig í að festa mig í clipsin á racernum (miklu erfiðara en á fjallahjólinu mínu).  Var eins og algjör lúði að paufast þetta í byrjun og við snúninginn. 

Ótrúlega vel að öllu staðið varðandi keppnina, HMS (Hjólreiðafélag Miðaldra Skrifstofumanna) á hrós skilið.  Tvær veglegar silfurmedalíur í safnið .

Myndir og úrslit á www.hfr.is og www.hjolamenn.is.

Svo er hérna ein rosa sæt af feðginunum að þvo bílinn saman á föstudagskvöldið.

 

Athugasemdir

[Sigrún Þöll, 27.6.2009 kl. 22:26]

önbilívable flottasta gellan á svæðinu. Til hamingju með þetta! Glæsilegt!

[Gísli ritari (IP-tala skráð) 28.6.2009 kl. 15:09]

Glæsilegt hjá ykkur Skotta litla, eins og við mátti búast. Þú ert að komast í járngírinn.

[Jens (IP-tala skráð) 28.6.2009 kl. 23:28]

Flott hjá þér Eva.  Lára hefur hjólareynsluna fram yfir þig en þú ert fljót að ná þessu.  Þú átt eftir að verða betri hjólari en þú ert hlaupari

[Sóla (IP-tala skráð) 30.6.2009 kl. 13:13]

Þú verður a.m.k. besta þríþrautakona Íslands og jafnvel Norðurlandanna með þessu áframhaldi!

[Eva Margrét Einarsdóttir, 30.6.2009 kl. 21:43]

Takk, takk aðalmálið er nú samt hvað ég hef svakalega gaman af þessu .

[Ása Dóra (IP-tala skráð) 2.7.2009 kl. 00:38]

Til hamingju - með Gabríel líka - þú ert alveg hrikaleg - ekkert smá gott að hafa svona góða fyrirmynd ;o)