N1 og Guðmundarlundur 2009

Heyrði í guttanum okkar í gærkvöldi og hann var nú heldur betur glaður.  Strákarnir unnu báða leikina sína í gær og Gabríel skoraði 2 mörk í seinni leiknum í 3-1 sigri.  Lifi Þróttur!

Update:  Var að heyra í Gabríel og þeir gerðu jafntefli í fyrri leiknum í dag og voru að vinna seinni leikinn 1-0 en Gabríel skoraði sigurmarkið úr vítaspyrnu .

Gamla konan hélt uppteknum hætti og mætti svellköld (eða þannig ) í Guðmundarlundinn þar sem fram fór hrikaleg fjallahjólakeppni delux.  Eftir brautarskoðun á mánudag var stemmningin þannig að eftir fyrsta hring hugsaði ég með mér, ekki séns að taka þátt í þessari vitleysu.  Eftir annan hring, nei ég held að þetta sé ekkert fyrir mig.  Eftir þriðja hring, mmmm kannski, sé til hvernig ég verð stemmd...

Fyrst hjóluðum við hring fyrir utan Guðmundarlundinn á moldarvegi og svo lá leiðinn inn í lundinn þar sem hjólaðir voru sex (Meistaraflokkur kvenna og B flokkur karla) eða 12 (Meistaraflokkur karla) hrikalegir hringir upp og niður snarbratta, örmjóa, malar-, skógar-, lúpínubreiðu-, grjót- og tröppustíga!  Við vorum 5 sem lögðum af stað í styttri vegalengdina, þar af 3 konur. 

Var mjög ánægð með startið hjá mér í þetta sinn og náði í fyrsta sinn að hanga í Láru fyrsta hringinn og inn í lundinn (gleðjast yfir litlu sigrunum...).  Ég er mjög seig upp brekkurnar en vantar sárlega æfingu í að þora að láta vaða niður brekkurnar og á fyrstu tveim hringjunum var ég að fara fram úr upp og svo þutu strákarnir fram úr mér niður.  Á þriðja hring náði ég að halda mínum hlut alla leið næst á eftir Láru þrátt fyrir að hafa þurft að snarstoppa út af grjóti í brautinni og henda mér af hjólinu áður en það fór tvo hringi fram yfir sig.  Varð ekkert meint af og stökk á hjólið aftur og hjakkaðist áfram.  Hrikalega erfitt að hjóla upp snarbrattar brekkurnar á kræklóttum stígum og maður mátti ekki missa fókus í augnablik, þá fór maður að spóla eða átti á hættu að flengjast út úr brautinni.  Passaði að víkja vel þegar stóru strákarnir hringuðu okkur.  Kláraði 1 og 1/2 mínútu á eftir Láru og ca. 5 mínútum á undan næsta manni, mjög sátt eftir erfiða þraut.  

Það voru 25 einstaklingar sem lögðu af stað í þrautina, 21 sem kláraði, nokkrir sem krambúleruðu sig og sigurvegarinn, hann Haffi, nefbrotnaði eftir árekstur í 9. hring!  Myndir og úrslit á www.hfr.is og www.hjolamenn.is .

Hérna er nokkrar af gömlu koninni af hfr.is síðunni, ljósmyndarar Albert og Elvar Örn:

Tætt upp brekkurnar...

Rétt áður en maður hjólar niður tröppunar...

Eva og Lára á palli, ekki leiðinlegt hjá okkur :)

Athugasemdir

[Corinna (IP-tala skráð) 2.7.2009 kl. 16:51]

Maður verður bara að vera dúglegur að æfa til að vera með næst. Mig langar svo hríkalega að sjá brautina. Er nokkuð hægt að finna sloðin með korti hjá hfr? Svona ca.? Hvar var startað?

Og til hamingju með þetta og komast heil undan!

[Eva Margrét Einarsdóttir, 2.7.2009 kl. 19:33]

Ég skal bara fara með þér eitthvað kvöldið og sýna þér.  Brautinni var breytt frá kortinu og það er ekki auðvelt að útskýra leiðina...  Til hamingju annars með bronsið í Heiðmörk, leiðinlegt að þú hafir ekki fengið það á staðnum!

[vala (IP-tala skráð) 2.7.2009 kl. 21:33]

til hamingju með þetta þú ert orðin algjör hjólabrjálæðingur.  Taktu  mig líka með í  brautarskoðun.

[Eva Margrét Einarsdóttir, 3.7.2009 kl. 08:44]

Ekki spurning Vala, þorirðu áður en þú vinnur Laugaveginn..?

[Corinna (IP-tala skráð) 3.7.2009 kl. 09:45]

Vala ertu hjólari líka eða ætlar þú að elta hlaupandi???

[vala (IP-tala skráð) 5.7.2009 kl. 00:39]

hehe ég verð á þríhjóli