Afmæli!

Hann Gabríel okkar á afmæli í dag, litli strákurinn okkar er orðinn ellefu ára!   Við vöknuðum í blíðunni í Hnífsdal og sungum afmælissönginn fyrir strákinn okkar.  Ég eldaði svo uppáhaldið, grjónagraut í morgunmat.  Við stefnum á að fara með krakkana í Raggagarð á Súðavík seinni partinn, með nesti og slá upp bráðabirgða piknikk afmælisveislu.  Afmælisveisla fyrir vini og fjölskyldu bíður betri tíma.

Við njótum þess til hins ítrasta að vera hérna á Vestfjörðum.  Við höfum ekki ferðast neitt hér um að ráði áður og erum þvílíkt hrifin.  Náttúrufegurðin er gríðarleg og maður fyllist af gleði og lífsorku að vakna í glaða sólskini undir snarbröttu fjalli með útsýni yfir hafið.  Það gerist ekki betra.

Í gær sóttum við gögnin okkar fyrir Óshlíðina og Vesturgötuna.  Í sama húsi var flóamarkaður og þar fann Gabríel þvílíkt flotta, ónotaða takkaskó sem pössuðu akkúrat á hann.  Ég fór með honum í afgreiðsluna til að spyrja hvað þeir ættu að kosta og við misstum andlitið þegar afgreiðslukonurnar svöruðu skælbrosandi: 'Þrjú hundruð krónur!'.  Gabríel brosir ennþá hringinn og það var varla hægt að ná honum úr skónum í gærkvöldi .

Athugasemdir

[Börkur (IP-tala skráð) 17.7.2009 kl. 16:09]

Ef Gabríel er orðinn 11 ára þá er ég orðinn gamall því það er ekki langt síðan ég man eftir honum sem litlum strák :)

Skilaðu kveðju frá mér til hans.

Verður gaman að sjá hvernig ykkur mun ganga þarna fyrir vestan, bið að heilsa Guggu.

[Fjóla Þorleifsd (IP-tala skráð) 17.7.2009 kl. 22:15]

Til hamingju með strákinn og gangi ykkur vel

[Eva (IP-tala skráð) 17.7.2009 kl. 22:21]

Takk, takk, komið til skila :)

[Bibba (IP-tala skráð) 17.7.2009 kl. 22:38]

Til hamingju með strákinn ... og hlaupið !

[Ásta (IP-tala skráð) 18.7.2009 kl. 00:01]

Til lukku með sæta strákinn og hlaupi ykkur vel:)