Aðeins yfir...

Í dag var vigtunardagur og það eru góðir dagar.  Við mættum bara þrjár í þetta skiptið (við skiljum vel að það eru ekki margir sem þora í vigtun svona rétt eftir sumarfrí og höfum því mikla samúð með skrópurunum ).  Við vorum svona helst til þungar á okkur, bæði á hlaupunum (sem hjálpaði ekki til við vigtunina) og á vigtinni...

En við vorum sko alls ekkert þungar á okkur í pottinum (sem var frekar kaldur og hjálpaði ekki til við vigtunina) og samræðurnar voru með fjörugasta móti.  Strákarnir voru alveg ofsalega glaðir að sjá okkur og Kiddi kyssti okkur Bibbu, ekki bara einu sinni, heldur tvisvar.  Seinni kossinn var reyndar fyrir misskilning því hann ætlaði að kyssa hana Jóhönnu (sem missti af fyrsta kossinum), en hún var farin og hann ruglaðist og kyssti Bibbu aftur og þorði svo ekki annað en að kyssa mig líka til þess að ég yrði ekki sár... 

Það er ekkert annað að gera en að horfast í augu við stöðuna, frávik +1800 gr (hljómar betur en 1,8 kg ).  Bibba gleymdi bókinni sinni en ég held að þetta sé síðasta vigtunin í þessari lotu og ég hef með löglegum fyrirvara (2 mán.) sótt um eins kílóa þyngingu í næstu lotu.  Verkefni mánaðarins er þess vegna - 800 gr, verðugt en raunhæft markmið.

Vegna þessarar alvarlegu stöðu sem komin er upp í vigtunarmálum var ákveðið að sleppa hnetuvínarbrauðinu í morgun og í staðinn var pantað gróft rúnnstykki með osti (ekkert smjör ).

Update:

Bibba fór yfir bókhaldið og sigurvegarinn í þessari lotu er engin önnur er forsíðustúlkan fótfráa, hún Jóhanna!  Við Bibba buðum henni uppá ljúffengt spínatlasagne med alles á Grænum kosti og að sjálfsögðu var kaka í eftirrétt, að þessu sinni ávaxtakaka (hehemmm) og tvöfaldur kaffi latte til að toppa máltíðina.  Við stöllur leystum svo restina af vandamálum heimsins og knúsuðum svo hana Bibbu okkar sem leggur í langferðina sína í fyrramálið, til að takast á við Mont Blanc.

Athugasemdir

[Ásta (IP-tala skráð) 25.8.2009 kl. 22:08]

Djö maður að hafa misst af þessu, var samt löglega afsökuð í sprengjuskólanum og pönnukökubakstri fyrir afmælisstrák.

[Bibba (IP-tala skráð) 25.8.2009 kl. 23:54]

Takk fyrir samveruna í dag.   Þetta var akkúrat það sem ég þurfti.

[Dagbjört Bjarnadóttir (IP-tala skráð) 26.8.2009 kl. 14:19]

Greinilga óskaplega gaman á vigtardögum   Frábært að hafa stráka til að kyssa ykkur :)

[Eva Margrét Einarsdóttir, 26.8.2009 kl. 20:26]

Já hann Kiddi er sko engum líkur .

[Dagbjört Bjarnadóttir (IP-tala skráð) 26.8.2009 kl. 20:51]

Kannski fæ ég að sjá hann þegar ég kem í menninguna :) Nú er það ákveðið að ég kem um miðjan september.

[Eva Margrét Einarsdóttir, 26.8.2009 kl. 20:59]

Þá verðurðu að vakna upp úr 6 (hlaupið af stað 6:30) og hlaupa með okkur Hálftímann sem er tæplega 6 km hringur, í Laugardalnum, annað hvort á þriðjudegi eða fimmtudegi.  Svo þarf að slaka á í heita pottinum og ef maður er heppin þá hittir maður Kidda og fær koss á kinnina  .  Hlakka til að sjá þig þegar þú kemur í bæinn! 

[Jóhanna (IP-tala skráð) 26.8.2009 kl. 22:09]

Takk kærlega fyrir mig.  Þetta var æði.