Betra er seint...

Í kvöld er afmæliskaffiboð fyrir familínuna heima hjá okkur.  Það á reyndar engin afmæli núna.  Við erum bara að fara að halda uppá afmæli strákanna (17. og 19. júlí) og vorum ekki búin að finna tíma fyrr...  Í gær sleppti ég þess vegna sprettæfingunni með ÍR-ingum og hljóp í staðinn smá hring inn í Elliðaárdal beint eftir vinnu, til að geta svo útréttað fyrir veisluna.  Í gærkvöldi krúttuðumst við hjónin svo við að baka (Þórólfur sér um gerbaksturinn á heimilinu) og undirbúa heita rétti ofan í mannskapinn.  Á meðan gátum við horft á litla sjónvarpið okkar inní eldhúsi, allt annað líf!!! 

Í dag var ég í þjálfarahlutverki í hádegisskokkinu, það er voða gaman til tilbreytingar.  Samstarfskona mín er að fara eftir Sub 50 prógramminu og það voru 3 * 2000 m sprettir á 4:55 pace á dagskránni.  Hún stóð sig eins og hetja, rúllaði þessu upp stelpan.  Gaman.

Ég var búin að ímynda mér að nú færi að róast hjá mér í keppnum, þ.e. að það færi að minnka úrvalið, ég veit vel að ég þarf ekki að vera með í öllu .  En það er nóg um að vera, Víðavangshlaup Framfara, Hjartadagshlaupið, Víðavangshlaup Íslands, Powerade, Haustþon...  Við erum þá bara að tala um næsta mánuð, jeehawww...  Maður verður ekki feitur, fúll og slappur á meðan.

Frúin að koma út af kamri á leið í Kerlingarfjöll, fullt af áhorfendum, mjög spes!

Athugasemdir

[Anna María (IP-tala skráð) 22.9.2009 kl. 14:28]

Takk fyrir leyniorðið. Nú getur maður haldið áfram að ná sér í kraft af síðunni hjá þér. Kv. Anna María

[Eva Margrét Einarsdóttir, 24.9.2009 kl. 09:59]

Velkomin