Allt að koma

Var heldur framlág eftir hlaupið góða og lagðist aftur í mína pest, kláraði í gær og var orðin hitalaus í morgun.  Nú getur þetta bara farið upp á við.  Var að koma af uppskeruhátíð hjólreiðamanna og kom ekki tómhent heim.  Það voru veitt verðlaun fyrir bikarmót sumarsins og ég varð önnur í heildina á götuhjólum, bikarmeistari 30-40 ára í götuhjólum og þriðja í heildina á fjallahjólum.

 

Ég er heilmikið að prjóna þessa dagana, þ.e. fyrir framan imbann á kvöldin og svo sel ég lopapeysur hæstbjóðanda.  Þessa gerði ég fyrir norskan frænda minn, ekki ónýtt að ná sér í smá gjaldeyri.  Núna er ég með léttlopa hettupeysu í vinnslu og eina á bið...

Hérna er svo ein sæt mynd af Lilju og Mirru frænku hennar, tekin í fimm ára afmæli Mirru.  Lilja tók ekki annað í mál en að mæta í veisluna í prinsessu kjól!  Maggi litli frændi Mirru hefur meiri áhuga á súkkulaðikökunum en skvísunum, ennþá alla vega...

Ég fæ bónda minn heim á eftir, mmmm, hlakka til .

Athugasemdir

[Alma María (IP-tala skráð) 28.10.2009 kl. 09:26]

Til hamingju með þennan flotta hjólaárangur Eva. Þetta er æði.  Sá Copenhagen Challenge skráninguna. Ekkert smá ánægð að sjá nafnið þitt og Ásdísar þar

Mikið er Liljan þín alltaf sæt

[Eva Margrét Einarsdóttir, 28.10.2009 kl. 15:57]

Takk fyrir það.  Það er nóg pláss fyrir konur í þessu sporti, ég hvet allar sem hafa snefil af áhuga að prófa.  Ég skal gjarnan vera einhverjum til halds og trausts í fyrstu keppnunum.    Að keppa er líka besta æfingin svo þær konur sem hafa áhuga á þríþraut ættu að reyna að þræða allar keppnirnar sem eru í boð!!! 

Alma, þú ferð í hálfan næsta sumar, ok?