Sprettir og þrek

Hörkuæfing í Höllinni í gær.  7 * 1000 m á 5 - 10 km pace.  Þórólfur fann út fyrir mig að ég ætti að hlaupa 100 m á 24 sek. og 400 m á 48 sek. miðað við að halda 4:00 pace.  Gekk alveg ótrúlega vel að hlaupa inni á brautinni, var nánast alla hringina á 47 sek. og fór aldrei yfir 48.  Í síðasta sprettinum ruglaðist ég í talningunni  og var ekki viss um hvort ég væri búin með 4 eða 5 hringi.  Tók einn hring í viðbót til vonar og vara og kom í ljós að ég endaði í 1200 m. 

Eftir sprettina var þrekhringur sem við tókum þrisvar sinnum:

• 10 froskahopp
• hlaup
• 10 armbeygjur
• 10 bangsahopp
• hlaup
• 15 tvíhöfði á bekk
• 25 magaæfingar

Æfing fyrir allan peninginn sem sagt .

Þriðjudagar eru hálfgerðir þríþrautardagar því þá hjóla ég í og úr vinnu, hleyp í hádeginu og svo er sundæfing í kvöld.  Eins gott að hugsa bara um eitt í einu... 

 

Athugasemdir

[María Ögn (IP-tala skráð) 10.11.2009 kl. 17:31]

hæ skvís, með hverjum ertu á sundæfingum ? :)

[Eva Margrét Einarsdóttir, 11.11.2009 kl. 09:16]

Við tókum okkur til hjónin og söfnuðum í 10 manna hóp (fólk úr vinnunni hjá okkur) og fengum hana Örnu Þóreyju til að þjálfa okkur á þeim tíma sem hentaði okkur, þ.e. eftir að litla prinsessan er sofnuð .  Æfingarnar eru í Breiðholstlaug.  Tökum 10 vikur fyrir áramót en við höldum örugglega áfram eftir jól.  Og til hamingju með árangurinn í Þrekmeistaranum!