Björt framtíð

Nú er ég glöð að hafa harkað af mér á Laugaveginum, það verður ekki frá mér tekið!!! 

En nóg af drama, hún Sibba gerði sér lítið fyrir í Amsterdam og smeygði sér fram fyrir mig á ársbesta í maraþoni.  Eftir pínu, oggulítið svekkelsi þá er ég bara stolt af stelpunni, hún hljóp þetta eftir bókinni og ég óska henni hjartanlega til hamingju með árangurinn.  Fyrir utan að vera frábær íþróttakona þá er Sibba fyrirmynd sem gefur manni von um að eiga möguleika á að bæta sig næstu 10 - 15 árin, en hún varð fimmtug á árinu.  Respect!

Af mér er það helst að frétta að stemmningin í víddinni milli gamla og nýja Glitnis er orðin frekar súr og það eru miklar væntingar hérna um að fá fast land undir fæturnar í dag.  Maðurinn minn er farin að sakna gömlu geðgóðu konunnar sinnar .  

Athugasemdir

[Sóla (IP-tala skráð) 21.10.2008 kl. 20:06]

Þetta Amsterdamhlaup er bara árás á auman bankastarfsmann í orrahríð og fatlaða kennslukonu án fatla! Nú er ég komin 2 sætum neðar (það var ein þarna sem var hálfri mínútu á undan mér!) og ef þetta heldur áfram dett ég út af topp tíu listanum! En jú...gott hjá Sibbu. Hún heldur uppi heiðri framhaldsskólakennarastéttarinnar. Þú verður bara að fara undir þrjá tíma á næsta ári til þess að vera skotheld!