Lífið er yndislegt

Þetta er náttúrulega toppurinn á tilverunni.  Að líða útaf í miðdegislúrinn á meðan pabbi les fyrir mann.  Annars hafa þetta bara verið algjörlega topp jól með öllu tilheyrandi.  Er að njóta þess til hins ítrasta að vera í fríi í tvær vikur, dæs og meira dæs. 

Ég er búin að hlaupa ótrúlega mikið síðustu daga, hef notið þess að fara út á hverjum degi, geta svo komið heim og lesið upp í rúmi, lagt mig  og leikið við krakkana mína og karlinn þess á milli.  Í dag fórum við á stórskemmtilega Laugaskokksæfingu.  Áttum von á hörku sprettæfingu en stemmningin var meira svona rólegheitaskokk og hvíld fyrir Gamlárshlaupið.  Við vorum í stuði og búin að fá pössun og allt, breyttum æfingunni í hörku Fartlek æfingu ásamt þremur öðrum og tókum svakalega á því, stuð!!!

Í fyrramálið er svo hin árlega milli jóla og nýárs vigtun.  Mæting 6:30 sharp, vatn og ekkert annað þangað til...  Hnetuvínarbrauð, brunch hjá mér og bullandi sukk fram á nýtt ár í framhaldinu, jehawww...

Smá brot af jólunum 2008 hjá okkur:

 

Athugasemdir

[Hólmfríður Vala Svavarsdóttir, 30.12.2008 kl. 11:31]

kl orðin 11:30 og engar tölur komnar úr austurbæ :)  (við eigum eins sængurföt)

[Eva Margrét Einarsdóttir, 30.12.2008 kl. 22:32]

Nokkuð sátt bara, 600 grömm í frávik . 

[Bibba (IP-tala skráð) 31.12.2008 kl. 08:20]

700 grömm í frávik hér.   Fylgi fast á hæla drottningarinnar :)
Takk annars fyrir veitingarnar Eva.   Er enn að smjatta og rifja upp bragðið af brauðinu