Mæðra og dætrakvöld

Fyrir 12 árum síðan hóaði gömul nágrannakona úr Norðurbrúninni, í okkur mömmu og bauð til veislu þar sem saman komu allar mæðurnar og dæturnar úr hverfinu sem ég ólst upp í.  Felstar fjölskyldurnar í hverfinu byggðu þarna rétt áður en ég fæddist og flestar fjölskyldurnar voru barnmargar, 5 krakkar voru normið.  Mamma og pabbi eru þau einu sem eftir eru af upprunalegu íbúunum í götunni.  Við krakkarnir vorum öll heimagangar hjá hvort öðru og ég þekki sumar mömmurnar betur en marga náskylda ættingja mína.  Í fyrsta boðinu var ég með bumbuna út í loftið, gekk með hann Gabríel minn.  Við höfum síðan hist reglulega, stefnum á einu sinni á ári heima hjá einhverri mömmunni eða dótturinni.

Í gær var einmitt komið að því að hittast aftur, reyndar eftir óvenju langan tíma en í síðasa boði var ég líka með bumbuna út í loftið fyrir 3 árum eða svo.  Við komum með góðgæti með okkur og spjölluðum langt fram eftir kvöldi, rifjuðum upp skemmtilegar sögur og skiptumst á fréttum. 

Í þessum hóp var mikið hlegið og lítið kvartað.  Frábært kvöld og við erum búnar að plana næsta boð í mars.

 

Athugasemdir

[Guðbjörg Rós (IP-tala skráð) 8.10.2009 kl. 21:39]

Hittir þú kannski ömmu mína og hennar dætur?

[Eva Margrét Einarsdóttir, 9.10.2009 kl. 12:44]

Ójá og við töluðum einmitt heilmikið (og svakalega fallega) um þig .  Þær eru ekkert smá stoltar af þér, mega líka vera það.

[Guðbjörg Rós (IP-tala skráð) 9.10.2009 kl. 13:38]

Já þetta eru allt frábærar konur. Amma er alveg ótrúleg, yngist með hverju árinu. Alltaf gaman að hitta hana og spjalla, ekki alltaf alveg viss um að það séu 47 ár á milli okkar