Spræk

Sprækari en nokkru sinni fyrr.  Fínt hádegisskokk í gær og ég er úthvíld og endurnærð.  Kroppurinn í algjöru toppformi, mmmmm.   Tempóæfing á eftir og engin spurning um að rúlla henni upp.

Nýjasta Runners World komið og fullt af skemmtilegu lesefni.  Í þessu blaði er sérstök áhersla lögð á konur í maraþonhlaupum (nákvæmlega!).  Daginn fyrir Boston Maraþon verður nefnilega haldin USA undankeppni kvenna í maraþoni fyrir Ólympíuleikana. 

Það er frábært viðtal við Deenu Kastor sem er líklegust til að vinna undankeppnina en það sem er enn skemmtilegra er að það eru viðtöl við nokkrar frábærara maraþon konur sem eru bara venjulegar konur, með venjulegan lífsstíl, þ.e. vinnu, fjölskyldur, börn o.s.frv.  Gaman að sjá hvernig þessar konur eru að skipuleggja æfingarnar og dagana hjá sér.  Deena Kastor talar t.d. um að hún leggur ofuráherslu á recovery, vegna þess hversu mikið hún leggur á líkamann.  Hún sefur t.d. alla jafna 8-10 tíma á nóttu og leggur sig svo í 1-2 tíma á daginn.  Ekki alveg í takt við minn raunveruleika....

Athugasemdir

[Hafdís (IP-tala skráð) 3.4.2008 kl. 13:12]

Já hvenær ætli hún vinni þessi blessaða hlaupakona..Fínnt að sofa á nóttunni en það er nú ekki tími til að sofa líka á daginn nema fá frí í vinnunni til að fara heim og leggja sig. Kannski maður fari og tali við yfirmanninn

[Elfa (IP-tala skráð) 3.4.2008 kl. 14:14]

mmhmmm.....   er það takmarkið ?  að skella sér á ólympíuleikana ?

why not !