Gullspretturinn 2009

Stóðst ekki mátið, ótrúlega fallegur dagur og skrokkurinn bara miklu betri en ég þorði að vona.  Tengdapabbi kom og sótti okkur rétt fyrir hádegi og við lögðum í hann á Laugavatn.  Ég var með lítið ferða apótek með mér sem innihélt sótthreinsandi vökva, grisjur, plástra og plastpoka til að hlífa skurðunum. 

Skemmst frá því að segja að þetta hlaup gekk eins og í sögu, reynslan spilar heilmikið inní, ekki að keyra sig út í mýrunum í byrjun og vera vel vakandi yfir leiðinni svo maður lendi ekki ógöngum.  Í kvennaflokki var aldrei spurning um hver myndi sigra, hún Aníta (litla skottið hennar Bryndísar Ernsts) þaut af stað og ég sá aldrei í hana á leiðinni!  Ég var næst á eftir henni fyrstu 2 km en þá fór einhver kona fram úr mér sem ég þekki ekki, hmmm...  

Ég hélt mínu striki, slakaði á í mýrunum og jók svo hraðann á betra undirlagi.  Eftir rúma 5 km var ég aftur farin að nálgast keppinautinn sem hafði verið töluvert langt á unda mér og ég sá að það var smuga að ná henni.  Nokkru síðar kom tækifærið og ég lét vaða og hélt forskotinu til enda.  Hlaupið endaði svo á blóðugum endasprett milli okkar Geirs og ég þykist hafa tekið hann á sjónarmun þar til annað kemur í ljós .  Tíminn mjög ánægjulegur 46 mínútur rúmar en ég er að bæta mig um 3 mínútur rúmar í þessu hlaupi.

Þórólfur varð annar í hlaupinu á rúmum 40 mínútum, ætli við fáum ekki bara Fálkaorðuna fyrir silfrið...  Ótrúlega skemmtilegur dagur og í mínum huga er þetta eitt skemmtilegasta hlaupið á landinu. 

Annars verð ég líka að hrósa henni Völu Glennu sem gerði sér lítið fyrir og var fyrst kvenna í  7 tinda hlaupinu, glæsilegt.   Glennur rokka!

Æsilegur endasprettur!

 

Ívar, Oddur og gamla konan glöð að leikslokum.

 Lilja búin að finna sér leikfélaga

 

Jafn þreytt og foreldrarnir á heimleiðinni :)

Athugasemdir

[Geiri (IP-tala skráð) 15.6.2009 kl. 09:36]

Takk fyrir hlaupið Eva! Þetta var yndislegt hlaup, Geggjað út í gegn. þarna spilaði reynsla stóra rullu og gaman að enda á þessum fína spretti!

[Eva Margrét Einarsdóttir, 15.6.2009 kl. 14:20]

Já takk sömuleiðis!  Við höfum örugglega bætt okkur meira en annars, á því að elta hvort annað . 

[Sóla (IP-tala skráð) 15.6.2009 kl. 15:08]

Til hamingju með þetta Eva og Þórólfur! Djöfull ertu annars drullufitt, stelpa. Maður kaupir ekki svona six-pack úti í búð, hvað þá í Ríkinu!