Kvennahlaup og sveitaferð

Við Lilja mættum að venju í Kvennahlaupið og í þetta sinn hlupum við í Mosó.  Pikkuðum Öggu og Eyrúnu upp á leiðinni og hittum svo fullt af flottum skvísum sem við þekktum á staðnum.  Við Lilja fórum 3 km og ég var með hana í kerrunni í þetta sinn.  Hún skemmti sér konunglega, hitaði upp af mikilli innlifun og hljóp sjálf í mark og tók við verðlaunapening.

Stolt með mömmu gömlu

Slakað á eftir hlaup

Eftir hlaupið lögðum við svo í hann í sveitina en Guðrún Harpa vinkona mín hélt upp á fertugsafmælið sitt á ættaróðalinu Fljótstungu.  Frábær veisla með útilegu og skáta þema, grilli og skemmtiatriðum.  Lilja tók sig til í miðri veislu og bað um hljóðnemann og söng afmælissönginn fyrir framan fullt hús (örugglega hátt í 100 manns) af áheyrendum og hneigði sig svo á eftir þannig að ennið snerti gólfið.  Hún lét það ekki nægja heldur tók aukalag, Fimm litlir apar og sýndi svo dans, sem mætti skilgreina sem nútímaballett, fór í splitt og spígat og sýndi tilþrif á míkrafón súlunni...  Við Þórólfur og Gabríel horfðum gapandi á þetta allt saman og áttum ekki orð!  Við fengum að gista í bústað hjá þeim í Fljótstungu og sveitaloftið gerði okkur greinilega gott, skriðum úr rekkju rúmlega 11 og það hefur ekki gerst í mörg ár.

Á leiðinni í bæinn stoppuðum við í kaffi hjá Sverri bróður og Gabríel kynnti okkur fyrir heimalningnum og hinum dýrunum á bænum. 

Athugasemdir

[Bogga (IP-tala skráð) 23.6.2009 kl. 12:05]

Þau eru flott gullin þín

[Sóla (IP-tala skráð) 23.6.2009 kl. 18:32]

Ójá! Takk annars fyrir samveruna í gær. Hefðir átt að taka lúr í arinherberginu, við Ásta vorum þar aleinar!

[Eva Margrét Einarsdóttir, 24.6.2009 kl. 17:26]

Já, Bogga er ótrúlega þakklát fyrir þessi kríli . 

Sóla: Óóóó... hvað það hefði verið ljúft að kúra hjá ykkur, á það inni .